Oroimena, identitatearen funtsezko materiala da…berarekin oraina eraikitzeko gai izan behar dugu. Programa honetan parte hartu duten gazteek, helduei entzun diete, beraiekin elkarrizketan jardun dute, Gurs-eko esparrua bisitatu dute eta beraien oroimen eta sentipenekin arte-lan bat burutu dute. Oroitzapen eta zirraretatik sortu, gure aurretik bizi zirenen ilusio eta atsekabeak eguneratu. Artea iragana ulertarazteko bidea izanik, geroaren oroimena berreraikitzen laguntzen digu.
|
Aurten ere, parte hartu duten gazteek, rol ezberdinak hartuz (Espainiako gerra zibileko errefuxiatuak, Alemaniako judutarrak, esparruko goardiak, kazetariak, familiakoak, Gurs-eko bizilagunak), idatzi batzuk egin dituzte. Era berean Gurs-eko bisitaldian egindako grabaketa batzuk ere. Hauek guztiak ikusgai dituzue jarraian.
|